നാട്ടിലെ പോലെ തന്നെ ഓണത്തെ വരവേല്ക്കുവാനായി ഇക്കൊല്ലവും ലണ്ടനില് നമ്മുടെ പൊന്നോണം 2019 അതിവിപുലമായി കൊണ്ടാടുകയാണ് മലയാളി അസ്സോസിയേഷന് ഓഫ് ദി യു.കെ .
അരനൂറ്റാണ്ടോളമായി തുടര്ന്നുപോരുന്ന കെങ്കേമമായിട്ടുള്ള ബ്രിട്ടനിലെ ഏറ്റവും വലിയ ഓണ സദ്യയാണ് പ്രഥമഘട്ടമായി ഈ വരുന്ന ശനിയാഴ്ച്ച ആഗസ്റ്റ് 31 ന് , 'ഈസ്ററ് ഹാം ട്രിനിറ്റി സെന്ററി'ല്അരങ്ങേറുന്ന പൊന്നോണ സദ്യ 2019 .
തലേന്ന് വെള്ളിയാഴ്ച്ച കാലത്തു മുതല് തന്നെ ഏവരും ലണ്ടനിലെ മലയാളികളുടെ കെട്ടിട സമുച്ചയമായ 'കേരള ഹൌസി'ല് ത്തില് ഒത്തുകൂടി പച്ചക്കറികളും , പലവഞ്ജനങ്ങളും വാങ്ങി വന്ന് , ഒത്തൊരുമിച്ച് കറിക്കരിഞ്ഞ് , പാചകം ചെയ്ത് ഗൃഹാതുരസ്മരണകള് അയവിറക്കി കൊണ്ട് മൂന്നുതരം പ്രഥമനുകളും , അതിനൊത്ത രുചിയോടെയുള്ള ഓണ വിഭവങ്ങളായ പതിനഞ്ചില് പരം കറികളും തയ്യാറാക്കി , നാട്ടിലെ പോലെ വാഴയിലയില് ആയതൊക്കെ , നാലഞ്ച് പന്തികളിലായി മലയാളിത്തനിമയോടെ അണിഞ്ഞൊരുങ്ങി വന്ന് , വിളമ്പിക്കൊടുത്ത് ഊട്ടുന്ന ഒരു ബൃഹത്തായ , ഓണ സദ്യ തന്നെയാണിത്.
എല്ലാ കൊല്ലത്തെ പോലെയും ഇതില് നിന്നും സ്വരൂപിക്കുന്ന പണമെല്ലാം പിന്നീട് നാട്ടിലെ പല സേവന സന്നദ്ധ പ്രവര്ത്തങ്ങള്ക്ക് ഉപയോഗപ്പെടുത്തുകയും ചെയ്യുന്നു .മാവേലി എഴുന്നുള്ളിപ്പും, ചെണ്ടമേളവും കൂടാതെ അനേകം കലാപരിപാടികളുമായി സെപ്തബര് 15 ഞായറാഴ്ച , ഉച്ചക്ക് 3 മണിമുതല് 'ഇന്ഫോര്ഡ് ടൗണ് ഹാളി'ല് രണ്ടാം ഘട്ടമായി കൊണ്ടാടുന്ന ആഘോഷ വേദിയില് , 'യു.കെ കലാചേതന കഥകളി ട്രൂപ്പി'ലെ കലാമണ്ഡലം വിജയകുമാര് അവതരിപ്പിക്കുന്ന 'പൂതനാമോക്ഷം കഥകളി'യും , അതിനുശേഷം ഓ.എന്.വി കുറുപ്പിന്റെ ചെറുമകളായ അമൃത ജയകൃഷ്ണന്റെ നേതൃത്വത്തില് 'മായാലോക ഡാന്സ് ട്രൂപ് ' അവതരിപ്പിക്കുന്ന നൃത്തോത്സവത്തില് 'ക്ളാസിക് ഡാന്സു'കളടക്കം, ധാരാളം 'ബോളിവുഡ് ഡാന്സു'കളും അരങ്ങേറുന്നുണ്ട് .
കൂടാതെ ഈ വര്ഷം 'ജി.സി .എസ് .സി'ക്കും , 'എലെവലി'ലും ഉന്നത സ്ഥാനങ്ങള് കരസ്ഥമാക്കിയ മലയാളികളായ വിദ്യാര്ത്ഥികള്ക്ക് പുരസ്കാരങ്ങള് സമ്മാനിക്കുന്നു .
ഒപ്പം തന്നെ ഇക്കൊല്ലത്തെ ഓണാഘോഷങ്ങള്ക്ക് മാറ്റുകൂട്ടുവാന് കേരളത്തില് നിന്നും വന്നുചേരുന്ന റിമി ടോമിയും , ശ്രീനാഥ് നിഖിലും നയിക്കുന്ന ഗാനമേളയില് യു.കെയിലുള്ള
പേരുകേട്ട കലാകാരന്മാര് ഒത്തുചേര്ന്നുള്ള സംഗീത നിശയോടു കൂടി യൂറോപ്പിലെ പ്രഥമ മലയാളി സംഘടനയുടെ പൊന്നോണം 2019 ന് സമാപനം കുറിക്കുന്നു...
ഏവര്ക്കും സ്വാഗതം
https://www.facebook.com/mauklondon/videos/755167908247446/?__tn__=%2Cd%2CPR&eid=ARBybcrLH6oCGveDizy5tXzyHiSYAefU5_fSzV6k6rXI7j5XKomzMqlxQibvWoJlUis7iftuomrPr (ഓണസദ്യ വീഡിയോ )
https://www.facebook.com/mauklondon/videos/394731681182135/ (പൊന്നോണം 2019 വീഡിയോ )